Azərbaycan Müdafiə Nazirliyində geniş hərbi kollegiya olub

Müdafiə Nazirliyinin mətbuat xidmətindən APA-ya verilən məlumata görə, iclasda kollegiya üzvləri, müdafiə nazirinin müavinləri, idarə, müstəqil şöbə, xidmət rəisləri, birlik, birləşmə və hərbi hissə komandirləri, qərargah rəisləri, hərbi təhsil və hərbi tibb müəssisələrinin rəisləri iştirak ediblər.

Kollegiya iclasında müdafiə naziri, general-polkovnik Səfər Əbiyev Silahlı Qüvvələrin 2009-cu ildə hazırlığının yekunları və növbəti 2010-cu tədris ilində vəzifələri haqqında geniş məruzə ilə çıxış edib.