“Avatar” Amerika prokatında liderliyi ələ alıb

Ceyms Kameronun “Avatar” adlı yeni filmi Amerika prokatında ilk bazar günlərinin nümayişinə görə ən gəlirli film hesab olunub. “İtv.az” Associated Press-ə istinadən xəbər verir ki, 18-20 dekabrda filmin ilk premyerası 73 milyon dollar gəlir gətirib. Bu dekabr premyeraları arasında ən yaxşı göstəricilərdən biridir. Lakin “Avatar ” “Mən əfsanəyəm” filminin qoyduğu rekorddan geri galır. Uill Smitin baş rolda çəkildiyi bu film iki il öncə ilk bazar günü premyerasında 77,2 milyon dollar qazanmaqla, rekord vurub. 

“Variety”-nin yaydığı məlumata əsasən, Kameronun filmi dünya prokatında  həftə sonu üçün 220-230 milyon dollar gəlir gətirib. 

Ötən həftə Amerika prokatında Disney studiyasının “Şahzadə və qurbağa”  adlı animasiya filmi reyting cədvəlində 2-ci yerdə dayanıb. O həftə sonu 12,2 milyon dollar, ümümilikdə isə 44,8 miolyon dollar qazanca götürüb. 3-cü yerdə isə “Görünməyən tərəf” idman draması dayanıb. Bu film 10 milyon dollar qazanıb.   

İTV