Tiflisdə GUAM Parlament Assambleyasının iclası keçiriləcək

“Şeraton Metexi Palas” mehmanxanasında baş tutacaq iclası Gürcüstan parlamentinin sədri David Bakradze açacaq. İclasın işində GUAM üzvü olan ölkələrin nümayəndələri, GUAM-ın baş katibi, Baltik Assambleyası və GUAM ölkələri səfirliklərinin nümayəndələri və GUAM tərəfdaşları iştirak edəcəklər. GUAM-ın iclasında geosiyasi vəziyyət və bu proseslərin GUAM çərçivəsində əlaqələrə təsiri, regional əməkdaşlıq, eyni zamanda GUAM ərazilərində siyasi, iqtisadi, enerji, ekoloji münaqişələrin həlli, Avropa Birliyi - GUAM əməkdaşlığının perspektivləri mövzularında məsələlərə baxılacaq. İclas iki gün davam edəcək. Tədbirdə Azərbaycan nümayəndə heyətinin iştirakı gözlənilir. Noyabrın 10-da yekun sənədləri imzalanacaq.