Moskvada Dağlıq Qarabağ münaqişəsi ilə bağlı müzakirələr aparılacaq

Bu gün Moskvada Dağlıq Qarabağ münaqişəsi ilə bağlı müzakirələr aparılacaq

Dağlıq Qarabağ münaqişəsi: sülhün bərqərar olması üçün şərait yaradılmasında Rusiyanın rolu” mövzusunda bir qədər sonra təşkil olunacaq dəyirmi masada sülhyaratma təşəbbüslərinin daha da inkişaf etdirilməsinin mümkünlüyü və münaqişənin sülh yolu ilə həllinə dair ictimai dialoq məsələləri, Dağlıq Qarabağ bölgəsində sülhün bərqərar olması üçün şərait yaradılmasında Rusiya cəmiyyətinin oynaya biləcəyi rol barədə fikir mübadiləsi aparılacaq.“İnternational Alert” şirkəti, Dinlərin Strateji Tədqiqatları və Müasir Dünya Siyasəti Mərkəzi, Rusiya Federasiyasının İctimai Palatası tərəfindən reallaşacaq müzakirələrdə Azərbaycan və Ermənistandan olan ekspertlər, vətəndaş cəmiyyətinin nümayəndələri, Cənubi Qafqaz problemlərinin öyrənilməsi sahəsində aparıcı ekspertlər, o cümlədən Rusiya, Azərbaycan və Ermənistanın aparıcı KİV-lərinin nümayəndələri, Rusiya İctimai Palatasının üzvləri, beynəlxalq təşkilatların nümayəndələri iştirak edəcəklər.