Ermənistan qondarma Qarabağı tanımaqdan imtina etdi

Ermənistan hökuməti növbəti dəfə separatçı Dağlıq Qarabağ respublikasının "müstəqilliyinin" tanınması barədə qanun layihəsinə qarşı çıxış edib. “Hazırkı dövrdə “DQR”-in tanınması bizim üçün məqsədəuyğun deyil”, deyə Ermənistan xarici işlər nazirinin müavini Şavarş Koçaryan Ermənistan hökumətinin növbəti iclasında çıxışı zamanı bildirib.

Qeyd edək ki, “Miras” partiyası artıq bir neçə dəfədir ki, qondarma Dağlıq Qarabağın Ermənistan tərəfindən tanınması təşəbbüsü ilə çıxış edir. Partiya hesab edir ki, "DQR"–in tanınması onun Qarabağ münaqişəsinin həlli ilə bağlı danışıqlar prosesinə tamhüquqlu tərəfi kimi qoşulmasına imkan verəcək.